Онцгой байдлын ерөнхий газраас гаргасан календарчилсан төлөвлөгөөний дагуу “Газар хөдлөлтийн бэлэн байдал, авран хамгаалах ажиллагаа” сэдэвт үзүүлэх сургуулалтийг аймгийн Хүүхэд гэр бүлийн хөгжлийн хэлтэстэй хамтран 2015 оны 09-р сарын 24-25-ны өдрүүдэд Шивээговь сумын Ерөнхий боловсролын 3-р сургууль / 6 багш, 48 сурагч/, Баянтал сумын Ерөнхий боловсролын 4-р сургууль / 5 багш, 34 хүүхэд/ -ийн нийт 11 багш, 82 сурагчийг хамруулан 6 цагийн багтаамжтайгаар зохион байгуулан явууллаа.
Уг сургалтаар “Газар хөдлөлтийн тухай ойлголт, газар хөдлөлтийн үеийн аюулгүй ажиллагаа” сэдвээр танхимын сургалт зохион байгуулан гамшгийн үед зарлан мэдээллийн дохиогоор аюулгүй газарт гарах, өөртөө болон нөхөртөө анхны тусламж үзүүлэх, дамнуурга болон бусад гарын доорхи материал ашиглан нэрвэгдэгсдийг зөөвөрлөх дадлагыг хүүхдүүдийн оролцоотойгоор хийж гүйцэтгэлээ.
Мөн Онцгой байдлын газрын Гал унтраах, аврах 37-р ангийн Эрэн хайх, аврах бүлэгт ашиглагдаж байгаа багаж хэрэгсэл, үйл ажиллагааг сурталчилан ажиллаа.
Сэтгэгдэлгүй