Монгол Улсын Засгийн газрын 2011 оны 339 дүгээр тогтоолоор батлагдсан “Гамшгийн аюулын тухай зарлан мэдээллийн дохио дамжуулах журам”-ын дагуу аймгийн хэмжээнд 2017 оны 03-р сарын 23-ны өдрийн 16.00 цагт гамшгийн аюулын тухай зарлан мэдээллийн дохиогоор төр захиргааны байгууллага, улсын онц чухал объектууд, хүн ам олноор цуглардаг аж ахуйн нэгж, байгууллага, цэцэрлэг, сургуулийн байгууллагуудын ажилтан албан хаагчид, оюутан сурагчид, ард иргэдийг тухайн албан байгууллага, барилга байгууламж, орон сууцанд байгаа байрлалаа орхин гарч, аймаг сумын хэмжээнд урьдчилан төлөвлөсөн 16 цугларах талбайд байрлуулах дадлага сургуулийг зохион байгууллаа.
Газар хөдлөлтийн гамшгийн аюулын тухай зарлан мэдээллийн дохиогоор ажиллах дадлага сургуулилтанд аймаг, сумын хэмжээнд төв суурин газарт нийт 62 байгууллагын 4879 хүнийг хамруулсан нь өмнөх онтой харьцуулахад 13.2 хувиар өссөн байна.